शूर अहिल्या
शूर अहिल्या
शब्द पालवी सखी मंच आणि स्टोरी मिरर यांच्या संयुक्त विद्यमाने आयोजित उपक्रम काव्य लेखन
छोट्याश्या चोंढी गावात
माणकोजी शिंदेच्या पोटी
जन्मले असे कन्यारत्न
सुशीला मातेच्या ओटी 1
बहुगूणी अहिल्या बाई
शंकराला सदा स्मरणारी
शिवलिंगाचे करूनी रक्षण
घोडदौडीला ना घाबरी 2
सासरे मल्हाररावांनी
ओळखली वीर मर्दानी
सून पेशव्यांची होऊनी
झाली खंडेरावंची पत्नी 3
आदर्श सुन, कुशाग्र बुद्धी
पण निधन पावले पतिराज
सति जाण्यास ती निघाली
परावृत्त केले सासर्यांनी 4
सांभाळून ईंदौरचा कारभार
कुट नितीला केले हद्दपार
ठणकावून दिले ऊत्तर
मग घेतली त्यांनी माघार 5
औदार्य, दानधर्म, धार्मिकता
असे सर्व गुणसंपन्न
जिर्णोद्धार केला मंदिरांचा
नदिघाट बांधले भारतभर 6
लोकांच्या ह्रदयसिंहासनावर
कौतुकास्पद केले अधिराज्य
शांतता , सुव्यवस्था राखून
मालवली 70 व्या वर्षी प्राणज्योत 7
कोटी कोटी वंदना
देवी अहिल्या मातेला
महान कार्य केले जगी
अजरामर ह्या संध्येला 8
