शब्दांचे घाव

नसला जरी होत आवाज त्यांचा

तरी जोरदार बसतात घाव शब्दांचे

नकळतपणे बोलुन गेलेल्या शब्दांनी

घर केलेले असते मनामध्ये...

असतात वेदना त्याच्या एवढ्या कठीण

वर्षानुवर्षे जखमा त्याच्या भरल्या जात नाही

घातली कितीही हळुवार फुंकर त्यावर

तरी शब्दांचा घाव सहजासहजी पुसला जात नाही...

असतो म्हणायला फक्त शब्दांचा वार

तलवारीपेक्षाही जास्त असते त्याची धार

जपुन वापरावे लागतात शब्दही येथे

नाहीतर माणूसच जातो माणसापासून लांब...