राष्ट्रभक्ती

पुन्हा एकदा वंदे मातरम निर्घोष

आसमंतात दुमदमू दे

हॄदयातील भगतसिंगाला 

मज जागवू दे

रक्तरंजित झाले तयांना

क्षणोक्षणी आठवू दे

फ़ासावरही चढले तयांचे

अश्रू मज पुसू दे

स्वातंत्र्य विजयाची ज्योत

अंतरी पेटत राहू दे

अभिमानाने-गौरवाने

तिरंगा विश्वात लहरू दे

रक्षण्या काळ्या आईस

दुश्मनाचे घाव मज सोसू दे

भारतभूचि कुस 

माझ्या रक्तानं धन्य होवू दे

फौलादी छाती करणाऱ्या विरास

मज सलाम करू दे

पुन्हा एकदा वंदे मातरम निर्घोष

आसमंतात दुमदमू दे