माझा भारत महान

फडकत होता ।ब्रिटिशांचा झेंडा

गळ्यामंदी धोंडा।हिंदी जना।।१।।

लचके तोडुनी।अब्रूही लुटली

मस्तके फुटली।स्वकीयांची।।२।।

दळावेत गहू। गात जात्यावरी

माय-लेक मरी। भरडूनी।।३।।

ध्यास स्वातंत्र्याचा।क्षणोक्षणी पाही

तन-मन वाही।देशभक्त।।४।।

स्फुर्ती विजयाची। अंतरी फुलवी

मशाल पेटवी। वीरांगणा।।५।।

सुंदर भारत। किर्ती अंतराळी

संतांची भूपाळी। सदोदित।।६।।

राष्ट्रीय एकता।एकात्मता देई

अभिव्यक्ती होई।संविधान।।७।।

नांदती सुखात।विसरूनी जाती

पवित्र मानती। लोकशाही।।८।।

शोभतो विश्वात। सकलां पोसतो

पीक पिकवितो।कृषिवल।।९।।

समृद्ध स्वतंत्र।भारत महान

मज अभिमान।भारतीय।।१०।।