पत्रकार

पत्रकार दुधारी तलवार

करी मनावर थेट वार

अचूक भिडे काळजाला

लीलया पोचतो आरपार

सरस्वतीचा तो अवतार

साहित्याचा स्वर गांधार

नवरसांचा अमृत कलश

नटराजाचा साक्षात्कार

दीनदुबळ्याचा तारणहार

वेदना पुसतो तो हळूवार

आवाज मुक्याचा बनतो

शोषीतांचा तोचि आधार

जोडतो पाडतो सरकार

ठेवत नाही काही उधार

दहशत भिती कुठे त्या

जीवा वर सदैव उदार

नव युगाचा तो हुंकार

प्रगती उन्नती आविष्कार

स्वप्न उद्याचं उमलणारं

मोहक सुगंधी सुमनहार

लाखात एक चमत्कार

जणूं उत्सव दिपत्कार

समाजाला द्याया आकार

जन्मावा लागतो पत्रकार