प्रेमकथा

माझी वेडी प्रेमकथा

       हीच माझ्या हृदयाची व्यथा

       तिचं नि माझं भेटणं  

       नकळत जीव जडणं

       तिचं ते निरागस हसणं

       तिचं ते मनमोकळं बोलणं

       माझ्या मिठीत लाजणं

       मला असं वेड लावणं

       मी तिच्यात रंगणं

       एकमेकांत जीव गुंतणं

       हृदयात लपलेले प्रेम हे  

       एक दिवस जगाला कळणं

       जातीजातींतील भिन्नता

       आमच्या प्रेमाची अमान्यता

       एकमेकांपासून दूर जाणं

       आतून हृदय जाळणं

       दोन प्रेमवेड्या पक्ष्यांचं

       हे निर्दयी जग सोडून जाणं