प्रेम वेडा

माझ्या गुलाबी प्रश्नांना नकोय ग काटेरी उत्तर

सौंदर्यासह तुझ्या सखे पसरू दे सुगंधी अत्तर

तुझ्या मुलायम केसात माळावा वाटतो गजरा

का दडवतेस पदरात तु मुखडा तुझा तो लाजरा

ओठ सखे तुझे जणू की गुलाबाच्या पाकळ्या

हसतेस जेव्हा गाली तू उमलतात जशा कळ्या

पैंजणाची ती रूणझुण ह्रदयाची छेडते तार

कातिल मृगनयनांनी तव होतात माझ्यावर वार

समजावे मी तरी किती हा जीव गुंतला तुझ्यात

विसरून तुलाच तूही मिसळून जावे माझ्यात