प्रेम म्हणजे

माझी बुद्धी मला सांगते

या जगात प्रेम वगैरे असं काही नसतं

जे काही असतं ते फक्त आकर्षण असतं

एका देहाबद्दल दुसऱ्या देहाला वाटणारं

माझं हृदय मला सांगते

प्रेम ही अशी भावना आहे की ती फक्त असते

ती व्यक्त करता येत नाही व्यक्त होतही नाही

तीच फक्त वाटणं असतं अथवा वाटून घेणं

माझं मन मला सांगत

या जगात फक्त आणि फक्त प्रेमच असतं

हे सारं जग फक्त प्रेमासाठी चाललं आहे

प्रेम म्हणजे मिळवणे नव्हे तर फक्त देणं