Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Shailesh U

Others

4.2  

Shailesh U

Others

नऊवारी ते मॅक्सी

नऊवारी ते मॅक्सी

1 min
94


स्वयंपाक घरातील ओटा कसलासा विचार होता करत

खरं सांगायचं तर तो कुणाच्या तरी आठवणीत होता झुरत


स्वयंपाक घरात जरी तो होता नवखा तरी

नऊवारीनं त्यांस केला होता अपुला


अनं तिच्या हाताचा प्रत्येक चटका

त्यानं त्याच्या हृदयात होता जपला


दिसभर स्वयंपाक घरात तीच एक वावरत असे

स्वच्छ करून ओटा रोज ती त्याला आवरत असे


ओट्याशी बोलताना ती पोळपाटावर पोळ्या लाटी

तोंडाने अबोल तरी तिच्या मनात शब्दांची दाटी


पुढे नऊवारी थकली..... अन

स्वयंपाक घरातील प्रत्येक गोष्ट तिने पाचवारीला विकली


प्रारंभी पाचवारी होती एक अननुभवी मुलगी

लवकरच साधली तिनं ओट्याशी पोळपाटाशी सलगी


पाचवारीनंही त्यांना असा काही लावला लळा

दूर जाताना ती त्यांचा दाटून आला गळा


पाचवारीच्या जागी आली आता एकसंध मॅक्सी

सोबत तिच्या आणली तिनं नवी कोरी मिक्सी


आता तो ओटा त्या मिक्सीशी त्रयस्थपणे वागतोय... आणि

जळमटानं माखलेला पोळपाट हुंदके देऊन रोटी मेकर कडे बघतोय


स्वयंपाकघरातील ओटा हाच विचार होता करत

नऊवारी आणि पाचवारीच्या आठवणीत तो होता झुरत


Rate this content
Log in