लाइब्रेरी
प्रोफाइल
लाखात बहीण माझी
लाखात बहीण माझी
1 min
216
बहीण माझी आहेस
तू लाखात एक
माझ्यासाठी तूच माझी
माय तर तूच माझी लेक
तुझ्या मायेचा पदर
जशी वृक्षाची सावली
मरणास होतो टेकलो
पण तूच दुनिया दावली
लाखात बहीण माझी
माझ्या बापाहून खंबीर
तिनेच बरा केला
आजार माझा गंभीर
लाखात बहीण माझी
तीच माझा दाता
तिच्या पायापुढे झुकतो
आजही सदैव माझा माथा
हात तिच्या मायेचा
फिरे आजही पाठीवरी
माझ्यासाठी बहीण माझी
आयुष्याची संपत्ती खरी
माझ्या बहिणीच्या मायेपुढे
सारी माया रे शून्य
लाखात एक बहीण लाभली
जीवन झाले रे हे धन्य
