क्रांतिसूर्य वसंतराव नाईक [पोवाडा ]

 

वंदन करू सेवाभायान, बंजारा समाजेन

तांडेतांडेन, तांडेतांडेन

बंजारारी बढायोरे शान

जागेमाई मळायो सन्मान

वसंतराव नायकेर गाऊ, गुणगान जी जी जी

यवतमाळ जिल्हा पुसद तालुकान 

गहुली तांडेम.

हेगो एक क्रांतीरो जन्म,

१ जुलै रे दनेन १९१३ सालेन जी जी जी

 कतकत शिको नायक

शिक्षणेती बणगो लायक

घणे कष्ट किदो शिकेपुरता

हेगो हरीतक्रांतीरो प्रणेता

राष्ट्र्विकासेरो वातायो बिडो

नायक मारो जागेमांई

कातीकोनी अडो   जी जी जी

मुख्यमंत्री बणो महाराष्ट्रेर 

आनंदी हेगे सारी गोर, तांडे तांडेम घुमो आवाज ,

थाळी नंगारार जी जी जी

रोजगार हमी योजना लायो, दुष्काळ दूर दबयो,

ये जमिनेम पाणी रेयेन लागछ,

मारो शेतकरी हरोभारो खेतेरो,

राजा बणेन लागछ करन, किदो पाणीरो सिंचन

१ मे १९६६ सालेन,”मराठीन” दिनो सन्मान

राज्य भाषार दर्जा देन, मराठीर बढायो शान जी जी जी

समाजेर किदो सुधारणा, दिनो शिक्षणेरी प्रेरणा.

न्याय, समता बंधुतारो विचार देगो

आदमिती आदमिनांई वागो केन चलेगो जी जी जी

वंदन करू सेवाभायान, बंजारा समाजेन

तांडेतांडेन, तांडेतांडेन

बंजारारी बढायोरे शान, जागेमाई मळायो सन्मान

वसंतराव नायकेर गाऊ, गुणगान जी जी जी.