जशी ज्योत हळुवार मंदावते..
जशी ज्योत हळुवार मंदावते..
1 min
251
तुला भावणारी अशी जाहले मी
मला मीच नवखी आता भासते
आता शांत मी ही हळू होत आहे
जशी ज्योत हळूवार मंदावते
कडेलोट भावनांचा,स्वप्ने उराशी दाबून
चेहऱ्यावरि स्मित मी हासते
आता शांत मी ही हळू होत आहे
जशी ज्योत हळूवार मंदावते
कात टाकून जुनी ती, बंडखोर स्वभावाची
वेष पांघरून खोटा मी वावरते
आता शांत मी ही हळू होत आहे
जशी ज्योत हळूवार मंदावते
जरी जन्म घेतला वंशी मानवाच्या
निर्जीवासम जगण्या तरी लागते
आता शांत मी ही हळू होत आहे
जशी ज्योत हळूवार मंदावते