अपेक्षांच्या प्रतिक्षेत
अपेक्षांच्या प्रतिक्षेत
1 min
341
काय होती अपेक्षा
आणि काय घडले,
साधे सरळ जगणे
मलाच महाग पडले !
कपट असते मनात
तर बरे झाले असते,
उपकार करून नात्यांवर
हाल झाले नसते !
ज्यांचे केले भले
त्यांनिच साथ सोडली,
चादर माझ्या स्वप्नांची
टरा टरा फाडली !
उंच शिखर गाठूनिया
मलाच वाकुल्या दावती,
बचाव का करताेस
म्हणून अंगावरही धावती !
मरण्याआधिच रोज
छळून मरतो आहे,
काही क्षण जगू द्यावे
पाय धरतो आहे !
बुध्दिमत्ता बलवत्तर
तरी हसल्या हस्तरेषा,
जगणे आले लाचारीचे
झाली मलिन दशा !
आता माझ्या श्वासांना
उरला नाही अर्थ,
परोपकार व परमार्थ
गेले सगळे व्यर्थ !
आज नाही तर उद्या
नक्कीच मिळेल फळ,
अपेक्षांच्या प्रतिक्षेत
सुरूच आहे छळ !