अहंकार गळाला

मम् अहंकार गळाला

पार धुळीला मिळाला

कौतुक हुशारीचे होते

क्वचित फुशारकीचे होते

तो विषारी पाश गळाला

पार धुळीला मिळाला

अनेतेपण पदरी आले

अनुयायी सोडून गेले

तो ध्वज अर्धावर आला

पार धुळीला मिळाला

माझे काहीच नव्हते

त्यांचे स्वस्तित्व होते

तो मार्गस्थ झाला

मम् अहंकार गळाला

किम्मत बाजारी शून्य

पाप अधिक नगण्य पुण्य

इहलोकी हिशोब मिळाला

मम् अहंकार गळाला

आस्तिकतेची खोटी बिरुदे

समस्यांची उकल असु दे

आशेचा दिवा मावळला

पार धुळीला मिळाला

कुपातील मंडुक होतो

स्वविश्वात खुश होतो

गगनात अरूण आला

पार धुळीला मिळाला

ह्रदयाचे कवाड उघडले

अहंचे मळभ दूर झाले

स्वस्तित्वाचे ज्ञान झाले

त्रिवार वंदन तयाला

धन्यवाद प्रभुला

प्रभुच्या लेकरांना