अभागी

सोसणाऱ्याने सोसायचे असते 

मरणार्याने मारायचेच असते 

सोसणाऱ्याने कारण कधीच विचारायचे नसते 

सोसणाऱ्या सुतपुत्राचे फक्त चिंतन करायचे असते 

जगात असणाऱ्या पांडवांनी कधी अवहेलना करायची असते 

सोसणाऱ्या कर्णाने ती फुले म्हणून झेलायची असते 

परिस्थिती असणाऱ्या द्रौपदीने पदोपदी अपमान करायचा असतो 

सोसणाऱ्या राधेयाने स्त्रीदाक्षिण्य म्हणून सोडून द्यायचे असते 

स्वतःच्याच मुलात कुंतिने दुजाभाव करायचा असतो 

सोसणाऱ्या कौंतेयाने दातृत्वाने मोठेपणा दाखवायचा असतो 

सोसणाऱ्याने कधी एकही चूक करायची नसते 

अवहेलणाऱ्या तथाकथित पांडवांना 

परिस्थिती ने मग्रूर झालेल्या द्रौपदी ला 

जन्म देणाऱ्या स्वार्थी मातेला 

कधीही दूषणे द्यायची नसतात 

    कारण 

सोसणारा कधीही मारत नसतो 

आणि मारणारा कधी सोसत नसतो