आठवणीतलं फूल

होते ते तुटले

तुटताना ते पाहिले

पाहिलेले ते आठवते

आठवले की डबडबते

डबडबलेले डोळे हलकेच पुसते

पुसता पुसता गहिवरते

गहिवरून हिरमुसते

हिरमुसलेल्या चेहऱ्याने

पुन्हा आठवणीत रमते 

आठवणींच्या रिंगणात उणीव त्याची भासते

नजरेला नजर भिडण्याची वाट पाहते

गोल गोल फिरून पुन्हा तिथेच येते

नजर माझी त्याच्याच शोधात फिरते

तो जवळ असण्याची चाहूल सारखी लागत असते

त्याच्या आठवणीतलं फूल रोज माझ्या ओंजळीत येऊन पडते