आता कुठे पाहिजे खरी भक्ती तुला

आता कुठे पाहिजे खरी भक्ती तुला?

आता कुठे पाहिजे खरी भक्ती तुला?...

तू होतोस श्रीमंत जेवढा भरतो तुझा गल्ला! || १ ||

त्यांनी मंदिर पाडले, यांनी मज्जीद पाडली...

तुझ्या एक नसण्याने होतोय बघ हल्ला! || २ ||

तुझ्या दर्शनाला यावे म्हणतो देवा एकदा...

पण माझ्याजवळ नाही रे VIP चा बिल्ला ! || ३ ||

तू बसतोस हल्ली शांतपणे मंदिर-मज्जीद मध्ये

तू बोललास साधं तरी इथे होतो त्याचा कल्ला! || ४ ||

मी कशाला करू तुझे नामाकरण वादासाठी...

इच्छा एकच एकत्र यावे ईश्वर आणि अल्ला! || ५ ||

अगदी जवळच आहे काशी आणि मक्का...,

माणसांनी गाठावा मनामनातला पल्ला! || ६ ||