आनंदाचे झाड
आनंदाचे झाड
1 min
670
आनंदाचे झाड गड्यांनो मनात लावून पाहू या ,
अंतरातल्या स्वत:ला चला नवीन काही शिकवू या ॥
उत्तम नाही आले हाती तर मध्यम स्वीकारू या ,
मध्यमाने मग जगण्याचा अध्याय नवा गिरवू या ॥
मोठेखानी प्रासादाची अहमहमिका सोडू या ,
छोटेखानी पण सुखी घरी चला मजेने राहू या ॥
हिरे, माणिक अन् मोत्यांची शोभा सुंदर असते खरी ,
हाैस असू दे मनी परंतु आसक्ती ती सोडू या ॥
भविष्य घडवूच परंतु शर्यत मात्र सोडू या ,
आज, आता या क्षणातील आनंद चला वेचू या ॥
आप्त अन् ज्येष्ठांशी चला प्रेमाने वागू या,
आनंदाचे झाड गड्यांनो मनात लावून पाहू या ॥