ಏಕಾಂತ ಹಿತವೆನಿಸುತ್ತಿದೆ!

ಏಕಾಂತ ಹಿತವೆನಿಸುತ್ತಿದೆ 

ಪ್ರಶಾಂತ ವಾತಾವರಣದಲ್ಲಿ ಕೂತಿರುವಾಗ.

ಏಕಾಂಗಿ ನಾನಾಗಿರಲು

ನಿನ್ನನ್ನೇ ನೆನೆದೆನು ನಿಸರ್ಗದ ಮಡಿಲಲ್ಲಿ ಈಗ.

ಏಕಾಂತ ಹಿತವೆನಿಸುತ್ತಿದೆ

ಕಾರ್ಮೋಡಗಳ ಕಂಡಾಗ.

ಏಕಾಂಗಿ ನಾನಾಗಿರಲು

ಮಳೆ ಹನಿಯೇ ಸ್ನೇಹಿತನೀಗ.

ಏಕಾಂತ ಹಿತವೆನಿಸುತ್ತಿದೆ

ಆ ಬೆಟ್ಟ ಗುಡ್ಡಗಳ ನೋಡುವಾಗ.

ಏಕಾಂಗಿ ನಾನಾಗಿರಲು

ಮಂಜು ಕವಿದು ಏನೂ ಕಾಣದಂತಾಗಿದೆ ಈಗ.

ಏಕಾಂತ ಹಿತವೆನಿಸುತ್ತಿದೆ

ನೀರಿನ ಶಬ್ಧವ ಕೇಳುವಾಗ.

ಏಕಾಂಗಿ ನಾನಾಗಿರಲು

ಕಣ್ಣೀರು ಜಾರಿ ಆವಿಯಾಯಿತೀಗ.