हमके स्कूल जाए द

हमके स्कूल जाए द

स्कूल क डगरिया मइया बहुते नीक लागे,

हमके स्कूल जाए द । ..

जाए के पढ़ब हम लिखब,

हमके स्कूल जाए द।

तोहरे ही चरनिया मइया, लिहले आशीष हो,

करब नाम रोशन माई-बाबू क जरूर हो।

देशवा क नमवा मईया हो....

कर देब बुलंद हमके स्कूल जाए द

जाय के पढ़ब हम लिखब,

हमके स्कूल जाए द।

चुल्हवा क धुंहवां मइया,

अखियां के जरावे ला।

बाबूजी क फाटल ऐडिया,

करेजवा के फाड़े ला।

जिनगी के बदलब मइया..

बने द कलेक्टर,

हमका स्कूल जाए द।

जाय के पढ़ब हम लिखब,

हमके स्कूल जाए द।

गुरु जी क बतिये

हमके बड़ा निक लागेला,

ज्ञान क ज्योति हम सब में जगावेला।

शिव बन जाब मइया.... 

बदल देब नसीब,

हमके स्कूल जाय द।

जाय के पढ़ब हम लिखब,

हमके स्कूल जाए द।