યાદ તારી
યાદ તારી
ઉદયથી અસ્ત સુધી મને આવતી યાદ તારી.
ક્યારેક આવીને સ્વપ્નને સજાવતી યાદ તારી.
આમ તો મારી દુનિયા આખરે તું જ છો ખરી,
ને વિયોગે કેવી કેવી શકે અકળાવતી યાદ તારી.
તરંગ ગતિ મનની ચંચળતા થકી ભ્રમાવનારી,
પણ ઉરના ધબકારમાં એ ધબકતી યાદ તારી.
પ્રભાતે કરી કિલ્લોલ વિહંગસૃષ્ટિ વિચરનારી,
ક્યાંક કોકિલના સુમધુર સૂરે ટપકતી યાદ તારી.
શીતલ, મંદ, સુગંધી વાયુ પ્રસન્નતાની લહેરખી,
અનિલની શીતળતા રખેને છલકાવતી યાદ તારી.