તારું નામ લખ્યું છે.
તારું નામ લખ્યું છે.
1 min
14.1K
કંકુ-ચોખા,ચંદન ને શ્રીફળ પર
તારું નામ લખ્યું છે,
સઘળા લાભ-શુભ ને શુકન મંગળ પર
તારું નામ લખ્યું છે.
જ્યારે જ્યારે મારે દ્વારે
થાય ટકોરા ઓચિંતાને,
ત્યારે ઉદ્ભવતી સઘળી અટકળ પર
તારું નામ લખ્યું છે.
જ્યાં વરસોથી કોઈના
આવ્યાના કંઈ નિશાન નથી,
જઈને શ્વાસોના એ વેરાન સ્થળ પર
તારું નામ લખ્યું છે.
રોમેરોમે મારા જાણે
ફૂલો ઉગી નીકળ્યા છે,
મેં તો કેવળ એક કોરા કાગળ પર
તારું નામ લખ્યું છે.
જાત જલાવી એક પ્રતીક્ષાનો
દીવો જલતો રાખ્યો છે,
ને એ જલતા દીવાની ઝળહળ પર
તારું નામ લખ્યું છે.