સંગીત સમીસાંજનું

સમીસાંજે આવતા એના પ્રીતમની માટે

કરે છે ડોકિયાં એના ધણીની વાટે,

આવી જાય છે હાસ્ય એને જોતાની સાથે

આપે છે પાણી સમર્પણની સંગાથે,

ખવડાવે એ રોટલા પ્રેમની પંગતે

સપના છોડ્યા એના પંખાના પવનની સંગતે,

નથી રહ્યું એ સંગીત સમીસાંજનું...

ભૂસાઈ ગયું છે એ મિલન મુલાકાતનું,

થવા લાગી છે સરખામણી દંભ કરવાની

દોટ લાગી છે હવે આત્મનિર્ભર થવાની,

નથી થતા પૂરા હવે એના ભૌતિક શોખ

ભૂલી પ્રેમ ને સંસ્કૃતિને કરી છે શોક,

નથી રહ્યું એ સંગીત સમીસાંજનું...

ભૂસાઈ ગયું છે એ મિલન મુલાકાતનું.