શૈશવ

શિશુ સંગાથે સ્મરણ શૈશવનું થઈ આવ્યું. 

શિશુ સંગાથે આચરણ શૈશવનું થઈ આવ્યું. 

ન રહ્યું ભાન સુધ્ધાંયે ઉંમરના વાર્ધક્ય તણું,

શિશુ સંગાથે વાતાવરણ શૈશવનું થઈ આવ્યું. 

નિર્દોષ નિખાલસ હાસ્યમાં કેટકેટલું મળ્યું, 

શિશુ સંગાથે જાણે વરણ શૈશવનું થઈ આવ્યું. 

પળમાં રીઝેને પળમાં ખીજે બાળારાજા કેવા!

શિશુ સંગાથે અવતરણ શૈશવનું થઈ આવ્યું. 

મોજમસ્તીને નિજાનંદે જીવવાનો મકસદને,

શિશુ સંગાથે આભરણ શૈશવનું થઈ આવ્યું.