પ્રશ્ન

ધોમધખતા

તાપમાં

ચા લઇ દોડતા નાનકડા પગલાં

આસ્ફાલ્ટ થઇ ગયા છે,

ક્યાં છે તું હજી ?

હાથમાં રોટલાનો એક

 ટુકડો લઇ ઉપર તાકતી

 આંખોનો પ્રશ્ર્ન,

 ક્યાં છે તું હજી ?

સદીઓ પછીએ હજુ

દ્રૌપદી દાવે લાગે

ને.... ચીરહરણ સતત,

ક્યાં છે તું હજી ?

લોકમેળામાં સંસ્કૃતિ

શોધતા માનવ એકલા

ક્યાં છે તું હજી ?

રોજ દર્શને જતા

ભાવિકભક્તો કમોતે મરતા,

ક્યાં છે તું હજી ?

તારા અસ્તિત્વને ટકાવવા

 ધર્મના રમખાણ,

ક્યાં છે તું હજી ?

સૂર્યના ઢળતા જ

દહેશતમાં થરથરતા

નિર્દોષ જીવો ,

ક્યાં છે તું હજી

હે પ્રભુ, હે કૃષ્ણ, હે ઈશ્વર, ઓહ ગોડ, અલ્લાહ, જિસસ, વાહે ગુરુ...