લાગણી

આજને માણીને જીવી લઈએ, એકબીજાના દિલમાં ધબકી લઈએ,

લાગણીનો બંધ છલકાયો છે, ચાલ આજે એ ભાવનાઓ વહાવી લઈએ.

એકબીજાના પ્રેમને ઓળખીને લાગણીની કદર કરીએ,

આમ મળીને એકબીજાને અંતરનો ભાવ વંચાવી દઈએ.

ચાલ નવી દુનિયા સજાવીને એ મીઠાં સરગમનાં સૂર રેલાવી દઈએ,

એકમેકનો પડછાયો બનીને લાગણીઓ વરસાવી દઈએ.

નથી રહ્યું અંતર હવે આપણી બન્ને વચ્ચે બધાં જ ભાવ છલકાવી દઈએ,

આમ પ્રેમાળ શબ્દોથી ચાલ ફરી આપણે ધબકી લઈએ.

એકમેકની ધડકન બનીને જિંદગી માણી લઈએ,

લાડલી તારી લાગણીનાં ભવપાશમા અમે બંધાઈ જઈએ.