કપટ ભરેલી જિંદગી
કપટ ભરેલી જિંદગી
1 min
138
કપટ ભરેલી જિંદગી તારી,
શાને કરે અભિમાન,
એક દિ તારે જાવું પડશે,
પ્રભુ કેરા ધામ,
માનવ ! તું માનવ થાને,
પ્રમાણિકતાને પંથે જા ને,
છળકપટથી રાવણ રાજે,
હરી સીતા માત,
ચપટીમાં એની બળી લંકા,
સિધાવ્યો સીધો ધામ,
માનવ ! તું માનવ થાને,
પ્રામાણિકતાને પંથે જાને,
દુર્યોધને પ્રપંચ કરીને,
પડાવ્યું પાંડવ રાજ,
દ્રૌપદીનાં ચીર હરીને,
માથે વહોર્યું પાપ,
માનવ ! તું માનવ થાને,
પ્રામાણિકતાને પંથે જાને,
પ્રપંચ કરી, ઈર્ષા કરી,
ભોગવે આજે તું પાપ,
સચ્ચાઈભરી આ જિંદગી જીવી,
પુણ્યનું ભાથું બાંધ,
માનવ ! તું માનવ થાને,
પ્રામાણિકતાને પંથે જાને.