કંઈક તો છે

ચુબંકીય આકર્ષણ ગજબનું એનું મોહિત કરી જાય,

બસ એ જોઈ મારી નાજુક પાંપણ ઢળી ઢળી જાય,

કંઈક તો છે, શું છે ? એનું એનામાં જે સંમોહિત કરી જાય,

એ ઊગતા સૂરજનો તેજ જેવો દીવો ઝળહળી જાય,

આંખોની ચમક ને મોહભર્યુ કાજળ એનું અંચબિત કરી જાય,

બોલાવે ઈશારે પાસે ને એ નજર મારી કળી કળી જાય,

લાલાશ ગુલાબની હોઠે એના હોઠ સુશોભિત કરી જાય,

ન કળાય જો એના ચુંબનની કળા તો લળી લળી જાય,

ચહેરો કુમાશ ભર્યો, હાવભાવ ત્રાજવે તોળી એ વિસ્મિત થાય,

ભાવભંગિમા સૂર લયની તાલે કેવી સંગતે મળી મળી જાય,

દેહસૃષ્ટી આખેઆખી બર્ફીલી એની જોઈને આશ્ચર્યચકિત થાય,

'આશા' ક્યાં તારુ ગજુ આમાં ભાવ તારો પણ વળી વળી જાય.