કદર કરી લે

મનનાં સિકંદરને તું સાવધાન કરી દે,

જિંદગીની બારખડીમાં સંતોષ વણી લે,

મળી છે ખુશી એની દિલથી કદર કરી લે,

બધું મેળવવાની ઘેલછા છોડી દે,

અલમસ્ત બની મોજ તું કરી લે,

જીવન હરીને શરણે સમર્પિત કરી દે,

ફૂલોની ફોરમમાં જીવન ગરકાવ કરી દે,

આનંદના દરિયામાં ડૂબકી લગાવી લે,

કાલની ચિંતા છોડી આજને વધાવી લે,

પળેપળ જોમને શ્વાસમાં ભરી દે,

ક્ષમા યાચનાનાં મણકા પરોવી દે,

શાંતિના પથ પર પગરવ તું માંડી દે,

થનગનતી‌ નદીની ચંચળતા પામી લે,

કિનારો બની મોજાંને ગળે મળી લે.