⚘હ ળ વા શ⚘

જોવા મળે તારી ઝલક, 'હળવાશની' માણી એ પળ

કાને પડે તારી રણક, 'અરદાસની'' માણી એ પળ'

સૂરજ ભલેને આથમે, દિપક બની સાથે રહ્યા 

સમતા થકી સમજણ વધી, 'સહવાસની' માણી એ પળ' 

સુખ દુઃખ વળી કેવો ફરક પાડે, મિલન માન્યા અફર

સૂર પ્રેમલ ગાઈ સતત, 'નરમાશની' માણી એ પળ'

મળતા રહે સ્વભાવ, અવસર તંગ હો કે હો સુગમ

શોધી પ્રથમ ઓજસ કિરણ, 'અજવાસની' માણી એ પળ' 

'નિમિષ' બંધન અવગણી, માણી સફર, સાર્થક છે ભવ 

હસતા રહી પીધાં જે વખ, 'હળવાશની''માણી એ પળ'