ગુલાબી ઠંડી

તનમનમાં ઉત્સાહ સંચારે છે ગુલાબી ઠંડી.

તેમ છતાં દેહને એ ધ્રૂજાવે છે ગુલાબી ઠંડી.

શિયાળો પોત પ્રકાશે છે પરાકાષ્ઠા લાવીને,

તાપણાંના સહારે કેવી ફાવે છે ગુલાબી ઠંડી.

નાનાં મોટાં વૃદ્ધ સૌને ટાઢ કેવી રે સતાવતી,

ગરમ ખોરાકે ગરમીને લાવે છે ગુલાબી ઠંડી.

ઘર, આંગણને શેરીમાં સૂનકારને જગાવતી,

સ્વેટર, ટોપીને મફલર છૂપાવે છે ગુલાબી ઠંડી.

ક્યારેક અશ્રુઓને આંખમાથી એ વહાવતી,

કરી કસોટી પૂરેપૂરી કેવી તાવે છે ગુલાબી ઠંડી.