ગજબ કુદરત

કેવી ગજબ કુદરતની કરામત ! 

જો વૃક્ષ વાવો તો શાખ શાખ ડોલે છે, 

નિત વારિ સિંચો તો કેવું ફૂલેફાલે છે ! 

કેવી ગજબ કુદરતની કરામત ! 

આખી દુનિયામાં અહીં એક જ સૂર્ય છે, 

રાતનાં અંધારે અહીં એક જ ચંદ્ર છે,

રોજ સૂર્ય ઊગે, રોજ ચંદ્ર દમકે,

નિરભ્ર આકાશે તારલાં ચમકે છે,

કેવો નિત્યક્રમ કુદરતનો છે શાશ્વત ! 

કેવી ગજબ કુદરતની કરામત ! 

સાગરમાં ઊઠે મોજાં ને સરોવરે લહેરો, 

ઝરણાં મધુર વહે વાયુ સર સર વહેતો,

બેશકિંમતી ખજાનાનો ભરે કોણ પહેરો ? 

અજાયબ કુદરતનો જોયો કોણે ચહેરો ? 

નદી નાળાં પર્વત કુદરતી વિરાસત,

કેવી ગજબ કુદરતની કરામત ! 

કેવી ગજબ કુદરતની કરામત ! 

જો વૃક્ષ વાવો તો શાખ શાખ ડોલે છે, 

નિત વારિ સિંચો તો કેવું ફૂલેફાલે છે ! 

કેવી ગજબ કુદરતની કરામત !