બાને સવાલ
બાને સવાલ
1 min
168
બા મને પ્રશ્નો પુછતાં કેમ ન શીખવાડ્યું ?
મારા બાળસહજ કુતુહલવશ મનને
સહુએ આમ કેમ ગૂંગળાવ્યું ?
એ તો એમ જ ચાલે ! એવું કેમ સમજાવ્યું ?
નવા સવાલો પૂછવાથી હદયને કેમ ગભરાવ્યું ?
બા મને પ્રશ્નો પુછાતાં કેમ ન શીખવાડ્યું?
એક નવા વિચારનું જીવન આમ કેમ ટૂંકાવ્યું ?
નાનું બાળક પ્રશ્નો પૂછતાં આજે કેમ શરમાયું ?
વિદ્રોહી કહી કલ્પનાનું આપણે ખૂન કેમ કરાવ્યું ?
બા મને પ્રશ્નો પુછતાં કેમ ન શીખવાડ્યું ?
હરેક સવાલ એક નવી ક્રાંતિ લાવે,
દરેક સવાલનો જવાબ મનને શાંતિ આપે,
દરેક સવાલ એક મશાલ બને,
ઉગતા સૂર્યનો પ્રકાશ બને,
આ પ્રકાશનાં પૂંજ સામે શૂન્યાવકાશ કોણે સરજાવ્યું ?
બા મને પ્રશ્નો પુછતાં કેમ ન શીખવાડ્યું ?