આંખો જુએ વાટ

આંખો જુએ વાટડી ક્યારની ઓ કનૈયા,

ભાવના ભરેલું હૈયું ધબકે છે નામ લઈને ઓ કનૈયા.

રાધા, ગોપીઓએ રસમય બનીને જીવનને સફળ કર્યું કનૈયા,

યાદવ કુળને સાથે રાખીને એક માળાનાં મણકા બનાવ્યા કનૈયા.

ગોકુળ, મથુરામાં અગણિત પરાક્રમ કર્યા કનૈયા,

ભાવ સભર દિલનો નાદ સાંભળી આવજે કનૈયા.

આ મહામારીમાં ઠંડીગાર ક્ષણો અકળાવે કેવી એ જો કનૈયા,

ભકતો બોલાવે ચાલ આજે ઘરેથી ઊજવીશું જન્માષ્ટમી કનૈયા.

આંખો દર્શન કાજે વરસે સમયે આવજે મોરલી વગાડતો કનૈયા,

ભાવિક ભક્તો એ કરી દીધી છે હૈયેથી હાકલ હેપી બર્થડે કનૈયા.