આ તે કેવી કરામત

રાત તારી લાંબી હતી,

દિવસ ઘણો ટૂંકો રહ્યો,

ખુશીઓ બે ઘડીની હતી,

જીવન આખું હું રડ્યો,

વાર વાર તને અરજી કરી,

કુદરત, આ તે કેવી કરામત કરી ?

વરસાદ આપી પહેલા ઉત્સુકતા દેવડાવવી,

તે પછી તું પૂર લાવ્યો,

એક દીવો પ્રગટાવવી,

ઘોર અંધારું લાવ્યો,

રોજ દિલથી પ્રાર્થના કરી,

કુદરત આ તે કેવી કરામત કરી ?

રસ્તો તો તે દેખાડ્યો મને,

પણ આગળ બંધ ગલી હતી,

આકાશ તો દેખાડ્યું મને,

પણ ઊડવા પાંખ નહોતી,

ખૂબ પૂજા, અર્ચના કરી,

કુદરત આ તે કેવી કરામત કરી ?

આ તે કેવી કરામત કરી ?