లోగిలిలో

నా జీవన రాగమిలా..పుస్తకాల లోగిలిలో..!

నీ ప్రేమకు అర్థమిలా..మేఘమాల లోగిలిలో..!

ప్రేమలేఖ లాగ మారి..దాగుటెలా నీ మదిలో..

ఈ జన్మకు భాగ్యమిలా..జ్ఞాపకాల లోగిలిలో..!

ప్రశ్నించే యవ్వనమే..మారేనా ఊయలగా..

కలలరాగ భావమిలా..ఆశయాల లోగిలిలో..!

విరహవీణ తంత్రులలో..అష్టమస్వర గాంధారం..

విన్నపాల వేదమిలా..విప్లవాల లోగిలిలో..!

పరిమళించు శాంతివనం..చిరునామా ఎక్కడుంది..

అపురూపత సంద్రమిలా..పరవశాల లోగిలిలో..!