ଟିକି ଅଳି ମୋର ଶୁଣ

ଟିକି ପିଲା କରି 

ମୋତେ ତ ଗଢିଛ 

     ଟିକି ବୁଦ୍ଧି ଟିକେ ଦେଇ 

କି ଅବା କରିବି 

ସେ ଟିକି ବୁଦ୍ଧିରେ 

    କିଛି ବୁଝିପାରୁ ନାହିଁ |

ଅଳି ମୁଁ କରୁଛି 

ଟିକି ହାତ ଯୋଡି 

     ଭଲବାଟ କାହିଁ କୁହ 

ଗଲେ କେଉଁ ବାଟେ 

ଦେଖି ମୁଁ ପାରିବି 

     ତୁମ ର ସେ କଳା ମୁହଁ |

ଦେଇଛ ଯଦି ମୋ 

ଟିକି ଓଠେ ହସ 

     ସବୁବେଳେ ଝରୁଥାଉ 

ଦୁଃଖୀ ରଙ୍କି ସେବା 

କରିବାକୁ ମନ 

     ସଦା ଆଗଭର ହେଉ |

ଅସୁମାରୀ ବଳ 

ଭରିଦିଅ ପ୍ରଭୁ 

    ଦୁଇ ଟିକି ହାତେ ମୋର 

ଜୀବନେ ମୋ ବ୍ରତ 

ହେଉ ଦେଶ ହିତ 

     ବୀର ସୈନିକଟେ କର |

ଟିକି ମନେ ମୋର 

ନ ଲଗା କଳୁଷ 

    ଭରିଦିଅ ବାସନା ରେ 

ଗୁରୁ ଗୁରୁଜନ 

ଭକତି ସମ୍ମାନ 

     କରୁଥିବି ଆଦର ରେ |

ସତେ ଯଦି ପ୍ରଭୁ 

ତୁମେ ଦୟାମୟ 

    ଏତିକି ସୁଦୟା କର 

ଭଲ ମଣିଷ ଟେ 

କରିବ ଠାକୁରେ 

     ଟିକି ଅଳି ଏହି ମୋର |