ଜୟ ଜଗନ୍ନାଥ
ଜୟ ଜଗନ୍ନାଥ
" କରି କରାଉ ଥାଉ ତୁହି , ତୋ ବିନୁ ଅନ୍ୟ ଗତି ନାହିଁ "
ଧନ୍ୟ ପ୍ରଭୂ ତୁମରି ଲୀଳା ହେ ପ୍ରଭୂ ଧନ୍ୟ ଯେ ତୁମରି ଖେଳା ।
ମିଛେ ପ୍ରାଣୀ କହେ ମୁଁ ମୁଁ ମୋର ମିଛେ ଧନ୍ଦି ହୁଏ ଖାଲି ଭଲା ।।
ସବୁ ଯେ ତୁମେଟି କର ଯେ କରାଅ କେହି ପାରନ୍ତିନି ଜାଣି ।
ପାରିବାର ଲୋକ ବଡିମା କରେନି ନ ପାରିବା ଲୋକ ବୋଲେ ସର୍ବ ଜ୍ଞାନୀ ।।
।।
କଷଟି ପଥରେ ପରୀକ୍ଷା କରାଅ ପ୍ରାଣୀ ପାଏ ଯେ ଅନେକ ଦୁଃଖ ।
ସବୁ ରଚି ତୁମେ ମଉନରେ ଦେଖ କେତେ ତାର ଅଛି ଧୈର୍ଯ୍ୟ
।।
ତୁମ ଲୀଳା ପ୍ରଭୂ ଅତି ଯେ ବିଚିତ୍ର ଜାଣି ବି ନ ଜାଣିଲା ପରି ଲାଗେ ।
ଅମାନିଆଁ ମନ ଯେତେ ନିନ୍ଦିଲେବି ହୃଦୟ ଭରି ସେ ଖୋଜେ ।।
ତୁମ ଲୀଳା ପଭୂ କିଏ ସେ ବୁଝିବ ସ୍ୱୟଂ ଲକ୍ଷ୍ମୀ ମାତା ନ ପାରିଲେ ଜାଣି ।
ଭକ୍ତ ଖାଲି ଭକ୍ତି ଭାବେ ବୁଡି ରହି କହେ ଏ ସବୁ ଲୀଳା ଖେଳା ଯେ ତୁମରି ।।
@ ସୁସିଲ୍ ପାଣି ,ପୁରୀ ।