ସେହି ଭାବ ଦିଅ ହେ ହରି

ମୋତେ ସେହିଭାବ ଦିଅ ହେ ହରି 

ମୋତେ ସେହି ଭାବ...... 

ଯେ ଭାବରେ ରସି ଅଜାମିଳ ପାପୀ 

   ପାପ ପଙ୍କୁ ହେଲା ପାରି 

ମୋତେ ସେହି ଭାବ........... !

ଜୀବନର ରଥ ଚକ ଯାଏ ଗଡିଗଡି 

ଯେଣେ ଇଛା ତେଣେ ମୋତେ 

        ନେଉଛ ଘୋଷାଡ଼ି 

ଏସବୁ ହୁଅଇ ତୁମ 

        ଇଙ୍ଗିତରେ ଚାଳି 

ମୋତେ ସେହି ଭାବ........!!

ବୁଝି ମୁଁ ପାରୁନି ତୁମ ମାୟା ଅଗୋଚର 

ଆହେ ଦୟାମୟ ପ୍ରଭୁ 

      ବିଶ୍ୱ କାରିଗର 

ଭାଙ୍ଗି ଦିଅ ନାହିଁ ମୋର 

       ସ୍ବପ୍ନର ସଵାରୀ 

ମୋତେ ସେହି ଭାବ.......... !!!

କାଳ ପକ୍ଷୀରାଜ ଉଡି 

      ମାରୁଛି ଚକ୍କର 

ପଶୁପତି କାଟିଲେଣି 

      ବନ୍ଧନର ଡୋର 

କପଟ ନକରି ମୋତେ 

         ଦିଅ ହେ ନିସ୍ତାରି 

ମୋତେ ସେହି ଭାବ.......!!!!

ମୋ ସଂସାର ମୋର 

     ଦୁଃଖର ପରିଧି 

ଭାବି ମୁଁ ପାରୁନି କେବେ 

      ହୋଇବ ସମାପ୍ତି 

ଭାବି ଭାବି ଏ କଥାକୁ 

          ଗଲିଣି ମୁଁ ସରି 

ମୋତେ ସେହି ଭାବ....... !!!!!