ପରଦେଶୀ ବାବୁ

ପରଦେଶୀ ବାବୁ ପରଦେଶୀ ବାବୁ

ବିଦେଶର ହାଲଚାଲ କ’ଣ ସବୁ ? । ୧

ତୁମେ ଦେଶର ବାହାରେ

ମୁଁ ଗ୍ରାମର କଡ଼ରେ

ହେ ପରଦେଶୀ ବାବୁ

କୁଶଳ ବାରତା କହରେ । ୨

କିଆଁ କହିବାକୁ ତୁମ ମନ ହୋଇବ

ଗାଉଁଲିଆ ବାସରେ ତୁମେ ନରହିବ । ୩

ତୁମର ଭାବନା

ମୋ ଅନ୍ତର ବେଦନା

ହେ ପରଦେଶୀ ବାବୁ

ମତେ ଦୂରେଇ ଦିଅନା । ୪

ହୁଅ ତୁମେ ଜନମ ଶତ

ଶାନ୍ତ ହୁଅ ଆମେ କରିବା ମିତ । ୫

ବାଲ୍ୟ ଦିନୁ ଗ୍ରାମେ

ବାହାରେ ତୁମେ

ହେ ପରଦେଶୀ ବାବୁ

କେବେ ଦେଖାହେବା ଆମେ । ୬

ସହରର ହାଲଚାଲ କେମିତି ଅଛି

ପଲ୍ଲୀପୁରେ ଶୋଚନାଵସ୍ଥା ଅନ୍ତ ହୋଇଛି । ୭

ଗାଁ ଆଶ୍ରୟରେ କି ରହୁଛି

ତୁମ କଥା ମୋ ମାନେ ପଡୁଛି

ହେ ପରଦେଶୀ ବାବୁ

ହିୟାରେ ତୁମର କ’ଣ ଅଛି ? । ୮

ସରସ ଦୋସ୍ତିକୁ କେମିତି ଭାଙ୍ଗୁଛ

ସେନେହ ଅତୁଟ କାଟି ଦେଉଛ । ୯

ଶୁଭାଶୀର୍ବାଦରେ ଦିଅନ୍ତୁ ପୋତି

ମହାବାହୁକୁ କରେ ବିନତି

ହେ ପରଦେଶୀ ବାବୁ

ମୋ ସଂଗେ କରନା ଅରି । ୧୦

ବନ୍ଧୁତ୍ୱ ମିଳନରେ କରିଲ ଫାଟ

ଯନ୍ତ୍ରଣାରେ ମୋ ପୋଡୁଛି ପେଟ । ୧୧

ତୁମକୁ କହିବି ମୁହିଁ ତ ବାବୁ

ରାଗ ରୁଷା ଯାଅ ଭୁଲି

ହେ ପରଦେଶୀ ବାବୁ

ମୋ ପ୍ରାଣ ଶେଷ ଯାଉ ଚାଲି । ୧୨