ମୋ ଓଡ଼ିଶା (ଭାଗ-୦୮) - ଓଡ଼ିଆ ଙ୍କ ବଳିଦାନ

ଭାରତର ସ୍ବାଧୀନତା ଆନ୍ଦୋଳନରେ

ଓଡ଼ିଶାର ଅବଦାନ କମ୍ ନୁହେଁ ରେ ।

ଏ ମାଟିର ପୁଅ ସେ ନେତାଜୀ ସୁଭାଷ

ଦେଶାନ୍ତର ହୋଇବି କରିଲେ ସଙ୍ଘର୍ଷ ।

ବୀର ସୁରେନ୍ଦ୍ର ସାୟ ଘେସ୍ ପରିବାର

ଦେଶ ପାଇଁ ବଳିଦେଲେ ପ୍ରାଣ ତାଙ୍କର ।

ଲକ୍ଷଣ ନାୟକ ସେ ଚକରା ବିଶୋଇ

ରେଣ୍ଡୋ ମାଝୀ ଙ୍କ ଦାନ ଭୁଲି ହେବ ନାହିଁ ।

ଶେଷ ରକ୍ତ ଥିବାଯାଏ ଲଢେଇ କରିଲେ

ପ୍ରାଣବଳି ଦେଇ ସେ ସହିଦ ହୋଇଲେ ।

ପାପଡାହାଣ୍ଡି ଇରମ ପାଣିମରା ଗାଁ

ସହିଦଙ୍କ ଗାଁ ବୋଲି ଦେଶ ଘଷେ ନାଁ ।

ଭୁବନ ଗାଁଆର ଶିଶୁ ବାଜି ରାଉତ

ମରିଗଲା ପଛେ ସିଏ ଛାଡିଲାନି ଘାଟ ।

ରମାଦେବୀ ଅର୍ଣ୍ଣପୂର୍ଣ୍ଣା ପାର୍ବତୀ ଗିରି

ଏମତି ତ କେତେକେତେ ଓଡ଼ିଆ ନାରୀ,

ଗାନ୍ଧିଙ୍କ ଡାକରାରେ ଅହିଂସା ସମରେ

ଝାସଦେଇ ସେମାନେ ଚାଲିଲେ ଆଗରେ ।

ଛାଡିଲେ ବିଦେଶୀ ଦେଶ ଜଗାଇ ଆଶା

ଓଡିଶା ଓଡିଶା ମାଆ ମୋର ଓଡିଶା....ll