ମୋ କଳିଙ୍ଗ

ଆଜି ବି ହସେ ମୋ କଳିଙ୍ଗ 
ଆଉ ଖୋଜେ ତାର ଅତୀତ 
ଆଜି ଲଢ଼ୁଛି ଗରିବ ଖାଦ୍ୟ ପାଇଁ 
        ଶିକ୍ଷକ ଶିକ୍ଷା ଦେବା ପାଇଁ ||
ତଥାପି ହସୁଛି ଆଜି ମୋ କଳିଙ୍ଗ ||

ଆଜି ଏଠାରେ ଦେଖା ଯାଏ 
    ରାଜନୈତିକ ସଂଘର୍ଷ,
ଏଥି ପାଇଁ ଲାଗି ଯାଏ,
ଘରେ ଘରେ ଗାଁ ଗାଁ ମଝିରେ ସଂଘର୍ଷ, 
ତଥାପି ହସୁଛି ଆଜି ମୋ କଳିଙ୍ଗ ||

ବିଜ୍ଞାନ ପ୍ରଯୁକ୍ତି କୁ ପଛରେ ପକାଇ 
ଧାର୍ମିକ କଳିରେ ଜୀବନ ଦେଇ 
ରାଜନେତା ପାଲିଟିଛି ଏଠି କଳିଙ୍ଗର ରକ୍ଷକ,
ତଥାପି ହସୁଛି ଆଜି ମୋ କଳିଙ୍ଗ ||

ଆଜି ହଜି ଯାଇଛି ଓଡିଶୀ, ଛଉ 
ତା ସଂଗେ ଦେବଦାସୀ ନୃତ୍ୟ 
ଆଉ ମାଡି ଆସିଛି ଆଧୁନିକ 
ନଗ୍ନ ନୃତ୍ୟ ର ସ୍ରୋତ,
ତଥାପି ହସୁଛି ଆଜି ମୋ କଳିଙ୍ଗ ||

ଆଜି ପୋଖରୀ ଗାଁ ତୁଠ 
ଲାଗୁଛି ହା ହା କାର,
ଶୁଭୁନି ଗାଁ ର କୀର୍ତ୍ତନ ଖୋଳ 
ଶୁଭୁଛି ଆଧୁନିକ ଡିଜେ ର 
ପ୍ରଚଣ୍ଡ ରୋଦ୍ର ଗର୍ଜନ,
ତଥାପି ହସୁଛି ଆଜି ମୋ କଳିଙ୍ଗ ||

ଆଜି ଆଉ ବହୁ ନାହିଁ
ଚାଷୀ ମୁଣ୍ଡର ଝାଳ 
ତୁଣ୍ଡରେ ବାଜୁନି
ସେଇ ଆମ୍ବିଳ ପଖାଳ 
ତଥାପି ହସୁଛି ଆଜି ମୋ କଳିଙ୍ଗ ||

ଆଜି ଚାଷ ଜମି ସହ ବିଲ 
ଦିଶୁନାହିଁ ଯେ ସବୁଜ 
ମୋ ଓଡ଼ିଆ ଭାଇ 
ଯାଉଛି ଖଟି ଯେ ଦାଦନ,
ତଥାପି ହସୁଛି ଆଜି ମୋ କଳିଙ୍ଗ ||
ତଥାପି ହସୁଛି ଆଜି ମୋ କଳିଙ୍ଗ ||