ମନ

ମନ କରେ ନୃତ୍ୟ 

ଆତ୍ମା ଗାଏ ଗୀତ 

ମୂର୍ଚ୍ଛନା ତୋଳେ ଚେତନା 

ଶରଦ ଜୋଛନା 

ଶେଫାଳିର ବାସ୍ନା 

ପାଶରେ ନବ ଯୌବନା 

ଅଧିର ବିଧୁରେ 

ସପ୍ତସ୍ୱରୀ ତାନେ 

ଆତ୍ମା ଯେବେ ଗାଏ ଗୀତ 

ତରୁ ଲତା ପରେ 

କୁସୁମ ସକଳ 

ହସି କରୁଛନ୍ତି ନୃତ୍ୟ। 

ମନ୍ଦ ସମୀରଣେ 

ମଳୟର ଗତି 

ତନୁ ମନ ପୁଲ୍ଲକିତ 

ରାଗିଣୀ ଛନ୍ଦରେ

 ସ୍ୱରକୁ ମିଳାଇ 

କୋକିଳ ଗାଏ ସଙ୍ଗୀତ। 

ପୁଷ୍ପ ଶରାଘାତ 

କେକୀ ନୃତ୍ୟ ରତ 

ଦେଖି କୃଷ୍ଣ ନବଘନ 

ଆତ୍ମା ବିହ୍ୱଳିତେ 

ତୋଳଇ ସଙ୍ଗୀତ 

ଦର୍ଶନେ ତନୁ ଲାବଣ୍ୟ। 

ସ୍ୱର୍ଗର କୁସୁମ 

ପାରିଜାତ ସମ

ସୁଧା ରେଣୁ ଝରିଯାଏ 

ହୃଦୟ କନ୍ଦରେ 

ରୂପର ସମ୍ଭାର 

ବୀଣା ଝଙ୍କାରିତ ହୁଏ।