କବିତା ତୁମେ

କବି କଳ୍ପନାର     ପ୍ରାଣ ପ୍ରଣୟିନୀ

    କାଳଜୟୀ ତୁ କବିତା

ସାହିତ୍ୟ ସିନ୍ଧୁରେ  ସଂଗମ ତୋହର

     ନିର୍ଭୀକ  ଅପରାଜିତା !!

ସ୍ରଷ୍ଟା ଲେଖନୀର   ଜାଗ୍ରତ ପ୍ରହରୀ

      ନବ ଉଦିତ ଭାସ୍କର

 ହସ ଲୁହ ପ୍ରେମ    ବିରହ ବିପ୍ଳବ

   ସମାଜର ତୁ ସଂସ୍କାର !!

ଶବଦର ତୁତ  ପୂଣ୍ୟ ପୁଣ୍ୟତୋୟା  

     ଅବିରତ ତୋର ଗତି

ବଜ୍ରଠୁ କଠିନ    ତୋ କଲମ ଅସ୍ତ୍ର

     ଶତ ଅସି ମହାଶକ୍ତି !!

ଭାବ ଭାବନାର  ତୁ ମହାସ୍ତୋତ୍ର

   ବେଦ ଭାଗବତ ଗୀତା

ସତ୍ୟ ସାରଥୀର    ଅଟୁ ଅନ୍ତସ୍ୱର

    ପ୍ରାଣ ପ୍ରେୟସୀ କବିତା !!

ଆଶା ଆଲୋକର   ତୁ ମହାଦୀପ

     ନ୍ୟାୟର ସ୍ୱଚ୍ଛ ଆଇନା

ରଚିଦେଇ ଯିବୁ   ଅନନ୍ୟ ରଚନା

     ଏତିକି ଇତି କାମନା !!