କାଳିଆର ନାହିଁ ଦିନରାତି

କାଳିଆର ନାହିଁ ଦିନରାତି ଦେଖେ 

  ଦୁନିଆଁ ଯାକର ଯେତେକ ଖେଳ 

ବଡ଼ଦେଉଳର ଗଂଭୀରା ଭିତରେ 

   ଶୁଣୁଥାଏ ସାରା ଦୁନିଆଁ ଗୋଳ ।

କହେନି ସେ କିଛି କରେନି ତ କିଛି 

ମଉନ ହୋଇ ସେ ଖାଲି ଯା ବସିଛି 

ଯିଏ ଯାହା କରେ ସିଏ ତାହା ପାଏ 

କାଳିଆ କୁ ମିଛେ ଦୋଷ ସିନା ଦିଏ 

ଯେତେ ଦୋଷ ଦେଲେ ଯେତେରୋଷ କଲେ 

    ଭୋଗିବାକୁ ହୁଏ କରମଫଳ ।

ଦେଇଥିଲେ ପାଇ ନଦେଲେ ନ ପାଇ 

ବୁଣିଥିଲେ ସିନା କାଟିବୁରେ ଯାଇ 

ଖୋଜିଲେ ବାହାରେ ସୁଖ ମିଳେ ନାହିଁ 

ସୁଖ ଦେଇ ସୁଖୀ ହୋଇପାରେ କେହି 

ଏଇକଥା ସିଏ ଚେତେଇ ଦବାକୁ 

   ବସିଛି ଆବୋରି ବଡ଼ଦେଉଳ ।