କାହା ମନ କେଉଁଠି

ଘୁଷୁରୀର ମନ ପଙ୍କରେ ଥାଏରେ, 

ମାଙ୍କଡ଼ ମନଟି କୁଣ୍ଡିଆରେ...... 

କୁକୁରର ମନ ଅଇଁଠାରେ ଥାଏ, 

ଚୋର ମନ ଥାଏ ଗଣ୍ଠିଲିରେ ।

ପିଲାଙ୍କର ମନ ମୋବାଇଲ ଗେମରେ, 

ମାଇପି ମନ ସିରିଏଲରେ.... 

ଟୋକାଙ୍କ ମନଟି ବୋତଲରେ ଥାଏ, 

ବୁଢା ମନ ଥାଏ ଚୁଗୁଲୀରେ ।

ଡାକତର ମନ ଚାଲୁ ଔଷଧରେ, 

ରୋଗୀ ମନ ଓଷଧ ଦୋକାନୀରେ... 

ଚାକିରିଆ ମନ ନ ଥାଏ କାମରେ, 

ଥାଏ ଖାଲି ଲାଞ୍ଚ ମାଗିବାରେ ।

ଅଧ୍ୟାପକ ମନ କୋଚିଂ ସେଣ୍ଟର, 

ନେତାଙ୍କର ମନ ଭଣ୍ଡାମୀରେ.... 

ପ୍ରଜାଙ୍କର ମନ ମାଗଣା ଖିଆରେ, 

ଯୋଜନା କାଗଜ କଲମରେ ।