ଜୀବନ ର ଗପ

କେଉଁ କଥା ତୋତେ ଅଜଣା ଅଛପା

ସବୁ ଗପ ତୋତେ ଜଣା

କହିବାକୁ ମୋର ତୁଣ୍ଡ ଖୋଲୁନାହିଁ

ହେବା ପାଇଁ ବାଟ ବଣା...

ଆକାଶ ରୁ ଜହ୍ନ ତୋଳିବା ପାଇଁ କି

କେତେ ରାତି ଦେଲି ପାହି

ଛାଇ ଆଲୁଅ ରେ ସପନ ଦେଖିବା

ସୁଖଟା କ୍ଷଣିକ ପାଇଁ...

ଜୀବନ ର ବାଟ ଅଧା ହୋଇଲାଣି

ଶକତି ନାହିଁ ଏ ପାଦେ

ଭୁଲ ଠିକଣା ରେ ଚାଲିବାକୁ ହୁଏ

ଯନ୍ତ୍ରଣା ଭୋଗଇ କେତେ...

ଜୀବନ ସହିତ କାହିଁ ତ କେଉଁଠି

 ସ୍ଵପ୍ନର ରହୁନି ମେଳ

ସତ ମିଛ ସବୁ ଅଧା ଅଧା କରି

କଟିଗଲା ଏତେ କଳ...

ତୁ କାହୁଁ ବୁଝିବୁ କେତେଯେ ପାହାଚ

ବାକି ଅଛି ଚଢ଼ିବାକୁ

ଗୋଟେ ପାଦ ଯଦି ଉପରକୁ ଯାଏ

ଦିପାଦ ଆସେ ତଳକୁ...

କେଉଁ କଥା ତୋତେ କହିବି ଯେ ଆଉ

ସବୁ ଗପ ତୋତେ ଜଣା

କାହାଣୀ ର ଅନ୍ତ ଲେଖିବା ଆଗରୁ

ହଜାଇଦେ ମୋ ଠିକଣା... 🙏🙏

ମଞ୍ଜୁ ଲତା ଦେଇ.

ଭୁବନେଶ୍ବର..