ହାଏ ତୋ ପ୍ରେମ

ମିଶିଗଲା ମନ ବିତିଗଲା ଦିନ

ଭାବି ଭାବି ତୋ କଥାରେ

ସବୁ ରାସ୍ତା ଆଜି ତୋ ଗାଁକୁ ଛୁଏଁ

ପାଦ ମୋର ସେଇ ବାଟରେ,

ତୋ ଗାଁ ବାଟର ଅଜଣା ବାଟୋଇ

ଲାଗେ ମତେ ଆପଣାର

ଧାନ ବିଲ ଆଉ ପୋଖରୀ ହୁଡାରେ

ବିଞ୍ଚିଛୁ କି ବାସ୍ନା ତୋର,

ମନ୍ଦିର ଦାଣ୍ଡରେ କୃଷ୍ଣଚୂଡା ହସେ

ତୋ ନାଲି ଓଢଣୀ ଧରି

ମନ୍ଦିର ଘଣ୍ଟିରେ ତୋ ପାଉଁଜି ଶବ୍ଦ

ଦେଲାଣି ତ ମତେ ଘାରି,

ତୋ ଗାଁ ପିଲା ସନ୍ଦେହ ଆଖିରେ

ଦେଖୁଛନ୍ତି ମତେ ଏବେ

ମୁଁ ହସୁଥାଏ ମୁରୁକି ମୁରୁକି

ସମ୍ପର୍କ ଯୋଡିବା ଭାବେ।

(ଏବେ ତୋ ଗାଁରେ ସଞ୍ଜ

ଆଲୁଅ ଆସିଲେ ପରେ ଲେଖିବି)

@ବେଦପ୍ରକାଶ