ଦିଅ ପ୍ରଭୁ ଦିବ୍ୟ ଦରଶନ
ଦିଅ ପ୍ରଭୁ ଦିବ୍ୟ ଦରଶନ
ନନ୍ଦିଘୋଷେ ବଡ଼ଦାଣ୍ଡେ ଭକତଙ୍କ ମେଳେ
ସୁନ୍ଦର ଦିଶିବେ ପ୍ରଭୁ ଯେନ ପଦ୍ମ ପୋଖରୀରେ ।
ପୂର୍ବ ଜନ୍ମ ପୁଣ୍ୟମୋର ହୋଇବ ସାର୍ଥକ ଦର୍ଶନ କରିବି ପ୍ରଭୁ ଶ୍ରୀ ଜଗନ୍ନାଥ ।
ଦିନବେଳା ବଡ଼ଦାଣ୍ଡେ ପ୍ରସାଦ ଭକ୍ଷଣ
ସାର୍ଥକ କରିବି ମୋର ତୁଚ୍ଛ ଏ ଜୀବନ ।
ସଂନ୍ଧ୍ୟାବେଳେ ନୀଳଚକ୍ର ଝଟକ ବାନାକୁ ଚାହିଁ ଚାହିଁ ବିତାଇବି ରାତ୍ର ଯାକ ତାକୁ ।
ମୋର ମନବାଞ୍ଛା ଆଜି ହୋଇବ ପୁରଣ
ଚକା ଆଖ୍ ଦେଖ୍ ନେତ୍ର ହେବ ଦିବ୍ୟ ଚକ୍ଷୁ ଜାଣ ।
ନିର୍ମାଲ୍ୟ କୈବଲ୍ୟ ତୁଣ୍ଡେ ଲାଗୁ ଲାଗୁ ମୋର ପୁର୍ନଜନ୍ମରୁ ପାଇବି ପ୍ରଭୁ ହେ ନିସ୍ତାର ।
ତୁମ୍ଭ ଅଙ୍ଗେ ଲୀନ ହୋଇ ପାଇ ଚିର ଶାନ୍ତି ଲୋଡ଼ା ମୋର କିଛି ନାହିଁ ଏତିକି ବିନତି ।
ବଡ଼ଦାଣ୍ଡ ଧୂଳି ମୁଣ୍ଡେ ଲଗାଇ ଯତନେ ପରମ ଶାନ୍ତି ଲଭିବି ଭଜି ତୁମ୍ଭ ନାମ ।
ନଶ୍ବର ଶରୀର ମୋର ବଢ଼ି ପାପ ଭାର ବଡ଼ଦାଣ୍ଡେ ହରିଦେବି ଚରଣେ ତୁମ୍ଭର ।
ଦିଅ ପ୍ରଭୁ ଅଧମକୁ ଦିବ୍ୟ ଦରଶନ ନକରି କପଟ ପ୍ରଭୁ ରଖ ନିବେଦନ ।