ଧୀରେ ଧୀରେ
ଧୀରେ ଧୀରେ
ଧୀରେ ଧୀରେ କରି ବିଦାୟ ନେଉଛି
ଦୁଇ ହଜାର ତେଇଶି
ଜଣଙ୍କୁ ବିଦାୟ ଜଣ କୁ ସ୍ୱାଗତ
କିଛି ଲୁହ କିଛି ଖୁସି
ବିଦାୟ ଦୀପାଳି ଜଳୁଛି ହୃଦୟେ
ଦୁଇ ହାତେ ଅର୍ଘ୍ୟଥାଳି
ଦ୍ୱାରେଦ୍ୱାରେ ସଜାହୁଏ ପୂର୍ଣ୍ଣ କୁମ୍ଭ
ଧୂପ ଦୀପ ହୁଳ ହୁଳି
ଆସିବା ଓ ଯିବା ନିୟତି ନିୟମ
ସୁଖଦୁଃଖ ଭଲମନ୍ଦ
ହସ କାନ୍ଦ ଜନ୍ମ ମୃତ ର ରହସ୍ୟ
ଏହିତ ସୃଷ୍ଟିର ଭେଦ
ଆଜି କଥା କାଲି ବିଗତ ଅତୀତ
କାଲି ତ ଆଜିକୁ ନୁଆ
ନୁଆ ସମ୍ପର୍କର ନୁଆ ସକାଳରେ
ଭାବ କେତେ ଦିଆନିଆ
ନୁଆ ଓ ପୁରୁଣା ନେଇ ଏ ସମୟ
ଧୀରେ ଧୀରେ ଯାଏ ବହି
ବିଦାୟ ହେ ବନ୍ଧୁ ସ୍ୱାଗତ ବେଳରେ
ମନ ଦୁଃଖ କର ନାହିଁ
ଯୋଡ଼ା ହେବ ଏବେ ନୁଆ ଇତିହାସ
ଆସହେ ଚବିଶି ଆସ
ସକାଳ ସୁରୁଜ ନୁଆ କାକଳିରେ
ହୁଅ ତୁମେ ପରକାଶ
ଦିବ୍ୟ ଚେତନାରେ ଭରିଯାଉ ପ୍ରାଣ
ତୁଟି ଯାଉ ଭବ ଭୟ
ପ୍ରତିଟି କାର୍ଯ୍ୟରେ ନବ ପୁଲକରେ
ବିଭୁ ପଦେ ରହୁ ଲେୟ୍ ।